Исәнме Ильмир! Сезнең үтенечне соңлап үтәвем өчен гафу үтенәм. Чөнки быел гостроль арты гостроль булды, аннан училеще балалары. Менә ниһаять Мәскәүдән кайткач “Ана хөкеме” драмасын карадым.
Минем өчен сезнең бу эшегез куанычлы вакыйга булды. Чөнки халыкка, шулай, үтемле рәвештә психологик кичерешләргә бай әсәрне сәхнәләштерү ул алкышларга тиң. Иң мөхиме спектакелегезнең атмосферасы - җаны бар! Артистларга карап, аларда, проф. актерларга да житешми торган “чувство правды”ны күрергә була. Артистлар хәрхәлдә сәхнәгә ник чыкканнарын аңлыйлар. Караш артында күбесендә фикер укыла. Бу да бик мөхим фактор. Фикер булмаса кызык булмас иде! Мин үзем актер булгач, артистларның уеннарына ихтибар иттем инде. Уеннары көчәнмичә салмак кына бара. Менә шул салмак баруы миңа калса минусларның берседер. Ләкин ул спектакель тукымасына артык зыян салмый. Бары кайчак сәхнәдә бирелгән вакытның исраф булуын гына теләмисең. Шуңа күрә мөхим вакыйгалар алдыннан һәм артыннан уен, вакыйга, кабул итү мигелләрен бераз тизләтергә кирәктер.
Мине сөендергәне, бу куелышка бик җитди әзерлек куренә. Сәхнәдә артык, комачаулаучы әйберләр күренми. Бу сценографиядә, артистлар киемендә чагыла. Шул чор белән аваздаш тулы мөхит туган. Миңа калса, Бөек җиңүнең юбилеена гына түгел, көндәлек уйнала торган әсәр дигән фикер калды. Безнең репертуарда М.Гыйляҗевның “Яра” драмасы да шундыйлардан иде. Кызганыч, Россиянең халык артисты Наил Әюпов вафат булу сәбәпле әлеге әсәр репертуардан төшеп калды.
Бу спектакль белән үзегезнең саллы сүзегезне әйткәнсез!!! Әлеге эшегез белән чын күңелдән тәбрикләп, исәнлек саулык, иҗадый илһам теләп калам.
Хөрмәт белән ФӘНИС Җиһанша.
